Prompt yozishdan serverga chiqarishgacha hammasini o'zbek tilida o'rgatamiz. Qo'llanma tekin. Yetti qadamni o'tsangiz, loyihangiz internetda turadi.
Saytingizni uy deb tasavvur qiling. Hozir u chizma holida, faqat sizning kompyuteringizda turibdi. Odamlar kirishi uchun unga yer, manzil va eshik kerak.
Claude'ga yozadigan topshirig'ingiz. Topshiriq qanchalik aniq bo'lsa, natija shunchalik yaxshi bo'ladi.
Saytning ichki tili. Claude uni siz uchun yozadi, kompyuter esa o'qib bajaradi.
Chizmalar saqlanadigan seyf. Kodingizning nusxasi shu yerda turadi. Xato qilsangiz, oldingi holatga qaytasiz.
Uy turadigan yer. Bu doim yoniq kompyuter. Noutbukingizni yopsangiz ham, sayt shu yerda ishlayveradi.
Uyni chizmadan qurib, yerga qo'yish. Vercel kabi xizmat buni bir necha tugma bilan qiladi.
Uyning manzili, masalan sizning-saytingiz.uz. Odamlar sizni shu nom bilan topadi va eslab qoladi.
Uydagi shkaf. Foydalanuvchilar, buyurtmalar va xabarlar shu yerda saqlanadi. Busiz sayt kiritilgan narsani eslab qololmaydi.
Eshik kaliti. Har kim o'z hisobiga kiradi va faqat o'z ma'lumotini ko'radi.
Xizmatlar uchun parol. Tizimingiz Supabase yoki Telegram bilan shu kalit orqali ishlaydi, shuning uchun uni hech kimga ko'rsatmang.
Telegram ichida ishlaydigan dastur. Odamlar saytga kirmay, o'rganib qolgan joyida foydalanadi.
Tartib bilan yuring. Har qadamda nima qilish va Claude'ga nima yozish tayyor turibdi.
"Menga sayt yasa" desangiz, Claude ko'p narsani o'zi taxmin qiladi. Avval rejani so'rang, kodni keyin.
Rejani tushunmaguningizcha davom etmang. Tushunmagan joyingizni "10 yoshli bolaga tushuntirgandek ayt" deb so'rang.
Kod yozishda kuchli va uzun suhbatda loyihani yaxlit ushlab turadi. Biz shu bilan ishlaymiz, shuning uchun promptlar unga moslangan.
Muqobili: ChatGPT yoki Gemini. Promptlar ularda ham ishlaydi.
GitHub kodingizning nusxasi va tarixini saqlaydi. Vercel saytni aynan shu yerdan oladi. github.com'da tekin akkaunt oching, keyin Claude'ga yozing:
Kod saqlash uchun eng ko'p ishlatiladigan joy. Vercel, Netlify, Render kabi deyarli hamma joylash xizmati unga to'g'ridan-to'g'ri ulanadi. Yopiq (private) repo tekin.
Muqobili: GitLab yoki Bitbucket. Ular ham ishlaydi, lekin qo'llanmalar kamroq.
Bir-ikki daqiqada loyihangiz.vercel.app manzili tayyor bo'ladi. Endi GitHub'ga har yangi yuklashda sayt o'zi yangilanadi.
Xato chiqsa, xato matnini to'liq nusxalab Claude'ga bering va "bu nima degani, qanday tuzataman?" deb so'rang.
GitHub'ga bir marta ulanadi, keyin har yuklashda saytni o'zi yangilaydi. Sozlash deyarli yo'q, xavfsiz https va manzil tekin beriladi. Kamchiligi: tekin tarif faqat shaxsiy ish uchun, doim ishlab turadigan dasturga ham mos emas.
Muqobili: Netlify yoki Cloudflare Pages xuddi shunday ishlaydi. To'liq server kerak bo'lsa, Railway, Render yoki VPS.
Ma'lumot saqlash yoki foydalanuvchi kirishi kerak bo'lsa, supabase.com'da loyiha oching. Bu qadam eng xavflisi: noto'g'ri sozlansa, bir foydalanuvchi boshqasining ma'lumotini ko'rishi mumkin.
.env ichidagi kalitlarni Vercel'da Settings, keyin Environment Variables bo'limiga ham kiriting, aks holda sayt serverda ishlamaydi.
Baza, login va fayl saqlash bitta joyda. Kim nimani ko'rishi bazaning o'zida belgilanadi. Tekin tarif sinash uchun yetadi. Kamchiligi: tekin loyiha bir hafta ishlatilmasa to'xtab qoladi.
Muqobili: Firebase yoki Neon. Katta loyihada o'z serveringizdagi PostgreSQL.
Telegram'da @BotFather'ga yozib, yangi bot va token oling. Tokenni hech kimga bermang va kod ichiga yozmang.
Bot xabar kelmasa ham doimiy ishlab turishi kerak bo'lsa (masalan, jadval bo'yicha yuborish), Claude'dan VPS yoki cron variantini so'rang.
Bot faqat xabar kelganda uyg'onadi, qolgan vaqtda ishlamaydi. Shuning uchun uni Vercel'da tekin ishlatish mumkin. Mijozlaringiz esa allaqachon Telegram'da, ularga yangi ilova o'rnatish shart emas.
Muqobili: Bot doim ishlab turishi kerak bo'lsa, VPS yoki Railway.
Sinov uchun .vercel.app manzili yetadi. Mijozga ko'rsatadigan loyihaga o'z domeningiz kerak: uni domen sotuvchisidan yillik to'lov bilan olasiz.
sizning-saytingiz.uz kabi nom eslab qolinadi va ishonch beradi. .vercel.app manzili sinov uchun yetadi, lekin u Vercel'niki, sizniki emas.
Muqobili: Hozircha .vercel.app bilan qoling va mijoz kela boshlaganda domen oling.
Sayt ochilayotgani hali uning xavfsizligini bildirmaydi. Shu promptni Claude'ga bering:
To'liq ro'yxat quyida.
Bu tez va tekin birinchi qadam: ko'p uchraydigan xatolarni darhol topadi. Lekin bu to'liq kafolat emas, muhim loyihada odam ham ko'rib chiqishi kerak.
Muqobili: Ro'yxatdan o'zingiz o'ting yoki bizdan tekshiruv hisobotini oling.
| Sizga nima kerak | Tekin variant | Qachon pul ketadi |
|---|---|---|
| Shaxsiy sayt, portfolio | Vercel Hobby | Odatda shart emas |
| Pul topadigan sayt | Faqat sinov uchun | Vercel Hobby faqat shaxsiy, notijorat ishga. Mijozlarga chiqsangiz, pullik tarif |
| Baza va login | Supabase Free: 2 ta faol loyiha, 500 MB baza | Bir hafta faolsiz qolsa, loyiha to'xtaydi. Doimiy tizimga pullik tarif kerak |
| Telegram bot | Webhook usuli | Doimiy fon ishi kerak bo'lsa, VPS |
| Manzil | loyihangiz.vercel.app | O'z domeningiz, yillik to'lov |
Manbalar: Vercel Hobby, Supabase narxlari. Shartlar o'zgarishi mumkin, tanlashdan oldin qarab oling.
Ro'yxatdan o'zingiz o'tishingiz mumkin. Bizga bersangiz, har band bo'yicha "o'tdi", "o'tmadi" yoki "tekshirilmadi" deb yozilgan hisobot olasiz.
| Nima | Qanday tekshiriladi |
|---|---|
| Kalit va parollar | Kod va GitHub tarixidan API kalit, token va parol qidiriladi |
| Baza ruxsatlari | Har jadvalda RLS ko'riladi, ikkinchi foydalanuvchi bilan birovning ma'lumotini ochishga urinib ko'riladi |
| Login | Kirmasdan yopiq sahifalar ochib ko'riladi, chiqish va parol tiklash sinaladi |
| Admin qismi | Oddiy foydalanuvchi bilan admin sahifa va amallarga kirishga urinib ko'riladi |
| Formalar | Bo'sh, juda uzun va kod aralash qiymatlar kiritiladi, server tomondagi tekshiruv ko'riladi |
| Telegram bot | Token kodda yo'qligi, webhook secret va begona foydalanuvchi buyruqlari sinaladi |
| Kutubxonalar | Ma'lum zaifliklar npm audit bilan tekshiriladi |
| Zaxira nusxa | Nusxa olinadi va uni tiklash mumkinligi sinaladi |
| Xato holati | Xato sahifalarida maxfiy ma'lumot chiqmasligi ko'riladi |
Bu ro'yxat ko'p uchraydigan xatolarni ushlaydi, lekin to'liq kafolat bermaydi. Hisobotda nima tekshirilgani va nima tekshirilmagani aniq yoziladi.
Yetti qadamni o'zingiz o'ta olasiz. Bitta joyda to'xtab qolsangiz, faqat o'sha qismini bizga bering. Narxlar 159 000 so'mdan.
Sayt kompyuteringizda ochiladi, lekin internetga chiqmayapti.
Sizdan kerak: kod fayllari yoki GitHub repo.
Shu xizmatni so'rashKirish yoki ma'lumot saqlash ishlamayapti.
Sizdan kerak: repo va Supabase loyihasiga taklif.
Shu xizmatni so'rashBot kompyuterda ishlaydi, serverga chiqqach to'xtab qoladi.
Sizdan kerak: bot kodi va BotFather'dan olingan token.
Shu xizmatni so'rashSayt ishlayapti, lekin xavfsizligiga ishonchingiz yo'q.
Sizdan kerak: sayt havolasi va repo.
Shu xizmatni so'rashQayerdan boshlashni bilmayapsiz yoki savolingiz ko'p.
Sizdan kerak: loyihangiz haqida bir-ikki gap.
Shu xizmatni so'rashNarx bitta ish yoki bitta muammo uchun. Ish kattaroq chiqsa, narxni boshlashdan oldin aytamiz va faqat rozi bo'lsangiz boshlaymiz.
| Band | Natija | Dalil |
|---|---|---|
| Kalit va parollar | O'tdi | Kod va GitHub tarixida kalit topilmadi |
| Baza ruxsatlari | O'tmadi | Buyurtmalar jadvalida ruxsat o'chiq: ikkinchi foydalanuvchi birovning buyurtmasini ko'rdi |
| Login | O'tdi | Kirmasdan yopiq sahifalar ochilmadi |
| Zaxira nusxa | Tekshirilmadi | Loyiha egasidan zaxira sozlamasiga kirish olinmadi |
Bu namuna, haqiqiy mijoz hisoboti emas.
Yo'q. Lekin diqqat bilan o'qish va xato matnini Claude'ga berishni bilish kerak. Yo'l shunga mo'ljallangan.
Kichik ish uchun tekin versiya bilan boshlasa bo'ladi. Kod yozish ko'paysa, limit tugaydi va pullik tarifga o'tish qulayroq bo'ladi.
Avval tekin tariflar bilan boshlang. Keyin xalqaro ishlaydigan karta kerak bo'ladi.
2 dan 6 gacha qadamlar baribir ishlaydi. Promptlarni istalgan AI'ga bersa bo'ladi.
Claude'ni oching va birinchi promptni nusxalang.
Tekin qo'llanmani ochish Yoki biz ishga tushiramiz